"Har bir bola oilaviy muhitda tarbiyalashnishini ta'minlash maqsadida noinstitutsiyalashtirish milliy strategiyasini yaratishning dolzarb masalalari" mavzusidagi Xalqaro konferentsiya.

"Har bir bola oilaviy muhitda tarbiyalanishga, ota-onaning mehrini, yaqinlarining e'tiborini va g'amxo'rligini his etishga haqli", dedilar Tanzila Narbaeva, Oliy Majlis Senati Raisi, SOS O'zbekiston Bolalar mahallalari uyushmasi kengashining raisi.

29 Iyun kuni, SOS O'zbekiston Bolalar mahallalari uyushmasi, "Har bir bola oilaviy muhitda tarbiyalashnishini ta'minlash maqsadida noinstitutsiyalashtirish milliy strategiyasini yaratishning dolzarb masalalari" mavzusidagi xalqaro konferentsiyada ishtirok etdi.

Uyushma direktori Gulnoza Abidova, 18 yoshga to'lgan, muassasa bitiruvchichilarini har tomonlama qo'llab-quvvatlashga qaratilgan xizmatlarni rivojlantirish orqali ikkinchi darajali profilaktika va bolalik paytida erishilgan natijalarining va bu bilan birga davlat tomonidan qilingan sarmoyalarning barqarorligini ta’minlanishini ta’kidlab o’tdilar. SOS Bolalar mahallalari Xalqaro tashkiloti bir necha o'n yillar davomida ko'plab mamlakatlarda, shu jumladan, O'zbekiston Respublikasida ham quyidagilardan iborat to'liq hajmdagi xizmatlarni taqdim etib kelmoqda:

• Bolalarni o'z oilalaridan keraksiz ajralishlarini oldini olish uchun oilalarni qo'llab-quvvatlash xizmatlari, (ushbu xizmatlar har yili 200 dan ortiq oilalarni qamrab olinadi);
• Bolalarga nisbatan shafqatsiz munosabatni oldini olish mexanizmi (barcha xizmatlarda);
• Bolalarni muqobil parvarish qilish xizmatlari (ushbu xizmatlar yiliga 200 dan ortiq bolalarni qamrab oladi)
• Qisqa muddatlik vasiylik xizmatlari
• Muassasalar qaramog'idan chiqayotgan yoshlarga hamrohlik qilish xizmati. Ushbu xizmat qamrovi 140 nafar yoshlarni tashkil qiladi shu jumladan 55 nafari "Mehribonlik uylari" bitiruvchilari hamda qiyin hayotiy vaziyatlardagi oilalardangi yoshlarni tashkil qiladi.

Ko'p yillik tajriba shuni ko'rsatadiki, yoshlarni 18 yoshdan keyin qo'llab-quvvatlash dasturlarini rivojlantirish, birinchi qarashda, noinstitutsionallashtirish jarayonlarida ustuvor ahamiyat kasb etmaydi, ammo, bu oraliq davrda bolalarga qilingan sarmoyalarning barqarorligini ta'minlash uchun juda muhim hisoblanadi, hamda aholi va bolalarning ijtimoiy zaifligini oldini olish choralaridan biridir. Bizda mavjud bo'lgan ma'lumotlarga ko'ra, har yili O'zbekistondagi bolalarga vasiylik qiladigan muassasalarni 18 yoshga to'lgan 200 dan ortiq yoshlar bitiradilar, ya'ni ularni qo'llab-quvvatlash va homiylik qilishning barcha turlari toxtatiladi. Shubhasiz, so'nggi yillarda davlat tomonidan uy-joy bilan ta'minlashda va oliy ta'lim muassasalariga kirish uchun imtiyozlar berish kabi masalalarda sezilarli yutuqlarga erishildi, biroq, yoshlarni qo'llab-quvvatlash ma'lum masalalar bilan cheklangan, shuning uchun yoshlarni har tomonlama qo'llab-quvvatlash dolzarbdir.

Muassasa qaramog'idan chiqayotgan yoshlarni qo'llab-quvvatlash xizmatlari yoshlar uchun ham jamiyat uchun ham yoshlarning mustaqil hayotga o'tishni samarali bo'lishida muhim omil hisoblanib, yoshlarni bolalik davridagi erishilgan natijalarini va shu bilan birga davlat tomonidan amalga oshirilgan sarmoyalarning barqarorligini ta'minlashda mugum ahamiyat kasb etadi. Ayniqsa, homiylik va vasiylik ostida o'sgan bolalar va yoshlar uchun dolzarbdir. Yoshlarning mustaqil hayotga o'tishini qo'llab-quvvatlash kompleks vazifa bo'lib, SOS Bolalar mahallalari tashkiloti yoshlar uchun eng samarali g'amxo'rlikni ta'minlashga qaratilgan quyidagi 5 ta asosiy tamoyilga amal qiladi:

1. Yoshlarning ehtiyojlariga javob beradigan hamrohlik qilish shaklini taqdim etish; (turar joy bilan yoki turar joysiz)
2. Yoshlarni xavfsiz va g'amxo'r hamrohlik bilan ta'minlash;
3. Ilmiy va kasbiy rivojlanish imkoniyatlarini yaratish, shuningdek hayotiy ko'nikmalarni rivojlantirish va natijada mehnat bozorida yoshlarni ish bilan ta'minlash imkoniyatlari va uy-joy masalasini hal qilishda qo'llab-quvvatlash;
4. Jismoniy va ruhiy salomatlikni saqlash sohasida yoshlarning ijtimoiy va hissiy rivojlanishini qo'llab-quvvatlash; (ijtimoiy ahamiyatga ega muhit va biologik qarindoshlar bilan munosabatlarini qo'llab-quvvatlash va rivojlantirish)
5. Xodimlarning yoshlarni rivojlanishini qo'llab-quvvatlash uchun zarur bo'lgan ko'nikma va bilimlarga ega bo'lishi.