Monitoring va hisobot bo’yicha seminar

2019 yil 25-28 noyabr kunlari natijalarga asoslangan boshqaruv (RBM) bo'yicha maslahatchi Matanat Rahimova va milliy ofis maslahatchisi "SOS O’zbekiston bolalar mahallalari" uyushmasining Xorazm filiali xodimlari uchun monitoring va hisobot bo’yicha seminar o'tkazishdi.

Ushbu trening samarali monitoring va baholash (M&E) usullarini qo’llash hamda hisobotlarning samarali tizimini shakllantirishda filial salohiyatini oshirish maqsadida o'tkazildi.

Trening RBM asosida monitoring va hisobot tizimidan foydalanish samaradorligini oshirish, SOS ma'lumotlar bazasi funksiyalari va hisobotlaridan samarali foydalanish ko'nikmalarini shakllantirish, shuningdek, mavjud dasturni takomillashtirish uchun zarur bilim va ko'nikmalarni aniqlash va RBM yondashuvidan foydalangan holda yangi dasturni ishlab chiqishga qaratilgan interfaol mashg'ulotlardan iborat edi.

2018 yilda uyushma o'z dasturlarida RBM yondashuvini qollashni boshlagan. Natijalarga asoslangan boshqaruv (Result based management) - bu natijalar uchun aniq belgilangan mezonlarga asoslangan hamda tizimli monitoring, o'z-o'zini monitoring qilish va erishilgan yutuqlar to'g'risida hisobot berish orqali amalga oshilardigan boshqaruv usuli.