Muvaffaqiyatga erishgan insonlar hikoyasi, may oyida.

 "Muvaffaqiyatga erishgan insonlar hikoyasi" deb ataladigan oylik dastur doirasida Toshkent shahridagi SOS Bolalar Mahallasida ishlovchi psixologlar, bolalarni rag'batlantirish va ulardagi bilim va o'rganishga bo'lgan ishtiyoqini oshirish maqsadida taklif qilingan mehmon bilan suhbat uyushtirishdi. Dasturning bugungi mehmoni, muvaffaqiyatli tadbirkor, “Gross Insurance” korxonasining "Poytaht" filial direktori - Shirinov Jafar Esanbaevich bo'ldi. Uchrashuv doirasida Jafar Esanbaevich o'zlarining shaxsiy muvaffaqiyatlari haqida so'zlab berdilar, talabchan va malakali mutahassis bo'lib yetishish uchun qunt qilib o'qiganlari, o'z ustudan ishlab kelganlari va yangi bilimlarni o'zlashtirganlarini shaxsiy misolda tushuntirib berdilar. U inson hayotda qo'l keladigan uchta asosiy qoidalarga alohida etibor berdilar: Bulardan - inson to'g'riso'z bo'lishi, o'z va'dalariga vafo qilishi va albatta o'z ustida ishlab, bilimlarini oshirib borishi kerak. Uchrashuv yakunida esa o'smirlar va bolalar ularni qiziqtirgan savollarni berib mehmondan batafsil javoblar olishdi. Umuman olganda Jafar Esanbaevich ham, uchrashuvda qatnashgan bolalar va o'smirlarimiz ham suhbartni maroqli tusda o'tganligini his qilishdi, unda bolalarimiz kelajakda qaysi kasb egalari bo'lishi haqidagi rejalarini tuzib olishda muhim rag'batlantiruvchi saboqlar olganliklarini qayd etdilar.