SOS ona-“Mo‘tabar ayol” ko'krak nishoni bilan taqdirlandi

Xalqaro xotin-qizlar kunida, O'zbekiston Respublikasi Prezidentining farmoniga muvofiq, bir guruh tashabbuskor ayollar qatorida, SOS O'zbekiston Bolalar Mahallalari uyushmasining Xorazm filialida SOS ona-tarbiyachi sifatida ish yurituvchi Normatova Zulxumor Janibekovna, ota-ona qaramog'isiz qolgan bolalar hayoti va rivojlanishiga qo'shgan hissasi uchun O'zbekiston Respublikasi Prezidentining 2018- yil 2- fevraldagi “Xotin-qizlarni qo'llab-quvvatlash va oila institutini mustahkamlash sohasidagi faoliyatni tubdan takomillashtirish chora-tadbirlari to'g'risida”gi Farmoni bilan ta'sis etilgan “Mo‘tabar ayol” ko'krak nishoni bilan taqdirlandi.

Zulxumor Janibekovna filialidagi kasbiy faoliyatini 2011- yilda boshlanganda unga ikki nafar yetim bolalarning tarbiyasi ishonib topshirilgan. SOS ona har ikkala bolani mashaqqat va sabr bilan voyaga yetkazdi. Uning tinimsiz harakatatlarining natijalarida ushbu bolalarning biri xozirda Toshkent axborot texnologiyalarini Universiteti talabasi. Zulxumor Janibekovnaning javobgarligi ostida bugun ikki nafar qizlari va to'rt nafar o'g'illari voyaga yetmoqdalar. SOS ona ularni ham bir-biridan ajratmagan holda boqib, tarbiyalab kelmoqqa. Umuman olganda Zulxumor Janibekovna o'zining o'n yillik faoliyati davomida oilasidagi barcha o'n bitta bolaga mehr va muhabbat ko'rsatib kelmoqda. Shu bilan to'rtta bolani mustaqil hayotga qadam qo'yilishida ko'makchi bo'ldi. Yana bir nafar bolani esa o'z vasiyligiga oldi. SOS ona-tarbiyachi faoliyati haqida gapirganda Zulxumor Janibekovna fahr va ifthorga to'lib shunday deydi:”Agar dunyoga qayta kelsam yana SOS onalik vazifasini tanlagan bo'lar edim. Chunki umidsiz va singan dillarga umid bag'ishlab tarbiyalash, ularning jamiyatda o'z o'rnini topib ketishlarini ko'rish men uchun Baxt”.

Taqdirlash marosimida Xorazm viloyati hokimi, mukofotlarni topshirdi va ayollarni ajoyib bahor bayrami bilan tabrikladi. SOS O'zbekiston Bolalar Mahallalari Uyushmasi jamoasi Zulxumor Janibekovnani ushbu mukofot bilan chin dildan muborakbod etadi!