SOS O‘zbekiston Bolalar Mahallalari uyushmasi va O‘zbekiston Respublikasi Milliy gvardiya o'rtasida o'zaro hamkorlik memorandumi imzolandi.

Prezidentimizning, etim bolalar va ota-ona qaramog‘idan mahrum bo‘lgan bolalarni qo‘llab quvvatlashga qaratilgan dolzarb masalaga etiborlari, joriy yilning 9-avgustida qabul qilingan karorlarida yaqqol ko‘rsatilgan.

Quvonarlisi shuki, no-institutsionallashtirishning asosiy tamoillari ya’ni, bolalarni imkon qadar o‘z oilalarida, yoki oilaga yaqin bo‘lgan muqobil sharoitda, tarbiyalash, ularning keyingi mustaqil hayotga ijtimoiy moslashuvini ta’minlash, kabi mavzular ushbu qarorlarning asosidir.

SOS O‘zbekiston Bolalar Mahallalari uyushmasi, bolalarni oilaviy sharoitda parvarish qilish, yoshlarga hamrohlik qilish va ijtimoiy etimlikning oldini olish maqsadida oilalarni qo‘llab-quvvatlash borasida ko'p yillik xalqaro va milliy tajribaga ega ekanligini inobatga olgan holda, Prezidentning PQ-5215-sonli “Etim bolalarni va ota -ona qaramog‘idan mahrum bo‘lgan bolalarni tarbiyalashning tubdan yangilangan tizimini joriy etish to‘g‘risida” gi qarorida, O‘zbekiston Respublikasi Milliy gvardiyasi zimmasiga yuklangan vazifalardan biri SOS O‘zbekiston Bolalar Mahallalari uyushmasi bilan hamkorlikni yo‘lga qo‘yish edi.

Uyushma va Milliy gvardiya bu borada tizimli hamkorlikni amalga oshirish uchun memorandum imzoladi. Hamkorlik memorandumining asosiy maqsadi o‘quv-tarbiya muassasalarini noinstitutsionallashtirish, etim va ota-ona qaramog‘idan mahrum bo'lgan bolalarni joylashtirishning oilaviy va boshqa muqobil shakllarini joriy etish, ularning jamiyatga tez ijtimoiy moslashuvi uchun keng imkoniyatlar yaratish, o‘quv-tarbiya muassasalarida tarbiyalanayotgan bolalarning manfaatlarini inobatga olgan holda, imkon qadar qondosh oilalarga, qarindoshlariga qaytarish choralarini ko‘rish va ijtimoiy etimlikning oldini olish maqsadida bolani oiladan ajralish xavfi bo‘lgan oilalarni ijtimoiy qo‘llab-quvvatlash tizimini rivojlantirish.