“Tutingan ota-onalarni tayyorlash bo’yicha kurslarni tashkil etishning dolzarb masalalari” mavzusidagi seminar-treining

Bugungi kunda mamlakatda ijtomoiy barqarorlikni ta’minlash, jumladan, yoshlarning barcha qatlamlari manfaatlarini himoya qilininishi hamda ularning salohiyatini amalga oshirish uchun yetarli shart-sharoitlar yaratish uchun hukumat tomonidan keng ko'lamli islohotlar va chora-tadbirlar olib borilmoqda.

Jumladan, Vazirlar Mahkamasining 2019 yil 30 avgustdagi 824 raqamli qarori yetim bolalar va ota-ona qaramog’idan mahrum bo’lgan bolalarni joylashtirishning muqobil shakillarini tanlash, oila institutini mustahkamlash hamda ijtimoiy yetimlikni oldini olish tizimini takomillashtirish chora-tadbirlarni belgilab berdi.

Shu munosabat bilan, joriy yilning 18-19 noyabr kunlari Xalq ta'limi vazirligi, SOS O’zbekiston bolalar mahallalari uyushmasi, Bosh prokuratura, "Oila" ilmiy-amaliy tadqiqot markazi, Respublika bolalarning ijtimoiy moslashuvi markazi va O’qituvchilarni kasb-xunarga yo’naltirish va psixologik-pedagogik respublika tashxis markazi bilan hamkorlikda “Tutingan ota-onalarni tayyorlash bo’yicha kurslarni tashkil etishning dolzarb masalalari” mavzusida o'quv seminar o'tkazdi.

Tadbir vasiylikdan chiqqan yoshlarning ijtimoiy moslashuvi muammolarini tahlil qilish va ularni hal qilish bo'yicha tavsiyalar tayyorlash maqsadida tashkil etildi. Seminar davomida SOS O’zbekiston bolalar mahallalarining Toshkentdagi Yoshlar markazi koordinatori "Vasiylikdan chiqayotgan yoshlarning ijtimoiy moslashuvi" mavzusida ma'ruza o'qidi.

SOS O’zbekiston bolalar mahallalari bolalar farovonligini ta'minlash, ularning manfaat va huquqlarini himoya qilish hamda ehtiyojlarini qondirishda faol rol o'ynaydi va yetim bolalar va ota-ona qaramog’idan mahrum bo’lgan bolalarni ijtimoiy himoya qilish tizimini rivojlanishiga o'z hissasini qo'shib kelmoqda. Oila institutini mustahkamlash bo'yicha milliy konsepsiyasi doirasida qabul qilingan "yo'l xaritasi" ga muvofiq, bizning tashkilot mamlakatimizda bolalarni joylashtirishning muqobil shakillarini tanlash tizimini takomillashtirishda yetakchi o'rinlardan birini egallashdan katta sharafga ega.