Xiva shahriga ekskursiya

  “SOS O’zbekiston Bolalar mahallalari” uyushmasining Xorazm viloyatidagi filiali “Oilani mustahkamlash” yo’nalishiga qabul qilingan oilalardan 21 nafar bola uchun tarixiy Xiva shahriga ekskursiya tashkillashtirildi. Bolalar Xivaning tashqi qismi - Dishan-Kal’ada joylashgan  "Nurillaboy" saroyi haqida juda ko'p qiziq faktlar, Xiva xonlari hukmronligi paytida XIX asrda yashagan xalqlar hayoti bilan tanishdi, o'zbek milliy fotosuratlari va hujjatli filmlari asoschisi,1879-yilda Xivada tavallud topgan Xudaybergen Devonov haqida bilib oldilar. Ekskursiyadan so’ng Xiva shahri maktab oquvchilari, bolalar shaharchasi tarbiyalanuvchilari va  “SOS O’zbekiston Bolalar mahallalari” uyushmasining Xorazm viloyatidagi filiali “Oilani mustahkamlash” yo’nalishidagi oilalar farzandlari uchun qiziqarli viktorinalar va o’yinlar  tashkillashtirildi. Faol qatnashgan ishtirokchilar uchun har xil turdagi kitoblar sovg’a qilindi. Shu bilan birga “Kitobxonlar davrasi” guruhi tomonidan “SOS O’zbekiston Bolalar mahallalari” uyushmasining Xorazm viloyatidagi filiali kutubxonasi uchun har xil turdagi kitoblar jamlanmasi hadya qilindi.